Programet e studimit në Shkenca Politike mundësojnë një përgatitje cilësore të studentit në disiplina historike, filozofike, juridike, politologjike, gjuhësore, etj. Lëndët e programit të studimit në shkenca politike janë orientuar në drejtime specifike, duke propozuar gjithashtu një bazë kulturore ndërdisiplinore. Kështu studiohen marrëdhëniet mes të drejtës dhe ekonomisë, demokracisë dhe ekonomisë, qeverisja e administratave, ekonomia ndërkombëtare, proceset e politikës evropiane dhe ndërkombëtare, mbrojtja e të drejtave të njeriut, etj.

Plani mësimor - Shkenca Politike (PDF)

Studenti që diplomohet në “Universiteti Barleti” në programin Shkenca Politike ka mundësi punësimi në:

• institucionet politike, (parti politike, shoqata politike, Parlament, etj.);
• institucione akademike (universitete, institute dhe qendra kërkimi, etj.);
• media (gazetarë politikë, analistë dhe opinionistë); dhe
• biznesin privat (konsulentë politikë, marrëdhënie publike).

Aplikimi për të studiuar në “Universiteti Barleti” në programin “Shkenca Politike” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit, Sportit dhe Rinisë (MARS).

Aplikantët fillimisht plotësojnë formularët A1/A1Z që të bëhen pjesë e sistemit.

Aplikimi bëhet në portalin e Maturës Shtetërore: http://matura.qsha.gov.al

Përzgjedhja e programit “Shkenca Politike” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MASR.

I gjithë procesi i aplikimit kalon në dy raunde të cilat përcaktohen nga MASR.

SJELLIM NË VËMENDJE se aplikanti/maturanti mund të bëhet pjesë e UB-së vetëm kur e zgjedh UB-në programin “Shkenca Politike”.

Në programin “Shkenca Politike”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
• Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UB-së.
• Të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit.

Pranimi i studentëve në programin “Shkenca Politike”, cikli i parë Bachelor bëhet mbështetur në kuotat e përcaktuara nga UB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Tarifa e studimit në programin “Shkenca Politike” në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në ciklin Bachelor është 3 vite akademikë.

Koha maksimale e studimeve në ciklin Bachelor është 6 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.