Masteri Profesional në e E drejtë Biznesi, është një nga programet masterat më të ndjekur nga studentët. Programi i tij, i cili me lëndë si: E drejta Tatimore dhe Doganore, E drejta e Arbitrazhit dhe Ndërmjetësimit Ndërkombëtar, E drejta e Shoqërive Tregtare apo E drejta Financiare, Bankare dhe Monetare, e përgatisin studentin për t’iu përgjigjur më së miri kërkesave të tregut si profesionistë dhe të aftë, që zotërojnë njohuri praktike dhe teorike në fushën tregtare dhe bankare. Ky master është akredituar si dhe ka një staf akademik të mirënjohur që përçon më së miri njohuritë tek studentët.

Plani mësimor - E drejtë Biznesi (PDF)

Studentët të cilët kanë ndjekur studimet në Masterin Profesional E drejtë Biznesi janë të aftë të zhvillojnë karrierën e tyre në:

• Shoqëri dhe kompani tregtare vendase dhe ndërkombëtare;
• Banka, sigurime dhe organe financiare;
• Zyra avokatie si dhe ndërmjetësimi;
• Zyra përmbarimi apo këshillimi juridik.

Aplikimi për në “Universiteti Barleti” në programet e ciklit të dytë Master Profesional bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MARS).

Në ciklin e dytë të studimeve Master Profesional, pranohet për të ndjekur studimet shtetasi shqiptar ose i huaj që plotëson kriteret e mëposhtme:

• Diplomë e ciklit të parë/fotokoje e diplomës e njehtësuar me origjinalin - Diplomë e ciklit të parë përfunduar jashtë shtetit, e shoqëruar me fotokopje të diplomës së njësuar me origjinalin/një dokument zyrtar që është bërë njësimi i diplomës në RSH.
• Vërtetim i listës së notave dhe krediteve.
• Diplomë e Maturës Shtetërore + Çertifikatë e notave/fotokopje e tyre e njehtësuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftëse Pjekurie, në mungesë fotokopje të njehtësuar me origjinalin, konfirmuar nga DAR/ZA.
• CV + Foto.

Pranimi i studentëve në ciklin e dytë Master Profesional në programin “E drejtë Biznesi” bëhet mbështetur në kuotat e përcaktuara nga UB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Tarifa e studimit në Master Profesional programi “E drejtë Biznesi”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në Master Profesional në programin “E drejtë Biznesi”është 1 vit akademik.

Koha maksimale e studimeve në Master Profesional në programin “E drejtë Biznesi” është 2 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.