Programi “Marketing, Publicitet dhe Marrëdhënie me Publikun” kombinon praktikën e  marketingut dhe marrëdhënieve publike me analizën teorike të këtyre fushave. Studimet teorike janë vënë në kontekstin e çështjeve sociale, kulturore, ekonomike dhe politike. Publiciteti, marrëdhëniet me publikun dhe marketingu janë tre disipina emocionuese, që ndryshojnë vazhdimisht për shkak të inovacionit teknologjik dhe formave të reja të komunikimit social dhe të biznesit.

Studentët në fund të studimeve do të jenë në gjendje të zgjidhin problemet konkrete, përmes zbatimit më praktikë të njohurive bazë nga burime të ndryshme akademike dhe profesionale. Programi fokusohet në fusha të ndryshme si: komunikimi, psikologjia, sjellja e konsumatorit, marrëdhëniet me publikun, përmes të cilave përgatiten studentët që të krijojnë strategji marketingu dhe realizojnë reklamimin e produkteve dhe shërbimeve.

Qëllimi i këtij programi është të formojë studentët me një edukim bashkëkohor, që do t’ju mundësojë të veprojnë, të eksplorojnë, të reflektojnë dhe të kontribuojnë pozitivisht në industrinë e Marketingut, Publicitetit dhe Komunikimit, përmes zhvillimit të aftësitë e tyre të mendimit kritik, i cili do të lejojë që ata të bëhen të lirë, ekspertë të pavarur dhe krijues në fushën e tyre.

Diplomimi i studentëve në “Universiteti Barleti” në programin “Marketing, Publicitet dhe Marrëdhënie me Publikun” ofron mundësi karriere në:

- Marketier ose specialist i marrëdhënieve me publikun në biznes, organizata jofitimprurëse, parti politike, agjensi publicitare, etj.;
- Zëdhënës shtypi në organizata dhe institucione publike dhe private;
- Menaxher produkti;
- Komunikues ose asistent publiciteti;
- Këshilltar marketingu;
- Hulumtues tregu;
- Përfaqësues shitjesh;
- Menaxher shitjesh.

Aplikimi për të studiuar në “Universiteti Barleti” në programin “Marketing, Publicitet dhe Marrëdhënie me Publikun” në ciklin e parë Bachelor bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MARS).

Aplikantët fillimisht plotësojnë formularët A1/A1Z që të bëhen pjesë e sistemit.

Aplikimi bëhet në portalin universitar U-Albania.

Përzgjedhja e “Universiteti Barleti” dhe e programit “Marketing, Publicitet dhe Marrëdhënie me Publikun” bëhet përmes formularit A2/A3 në periudhat që përcaktohen me udhëzim nga MASR.

I gjithë procesi i aplikimit kalon në 3 raunde, të cilat përcaktohen nga MASR.

SJELLIM NË VËMENDJE se aplikanti/maturanti mund të bëhet pjesë e UB-së vetëm kur e zgjedh UB-në dhe programin “Marketing, Publicitet dhe Marrëdhënie me Publikun”.

Në programin “Marketing, Publicitet dhe Marrëdhënie me Publikun”, në ciklin e parë Bachelor pranohet për të ndjekur studimet shtetasi shqiptar ose i huaj që plotëson kriteret e mëposhtme:

- Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
- Dorëzon të gjithë dokumentacionin e kërkuar sipas udhëzimeve të MARS dhe rregulloret e brendshme të UB-së.
- Të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit.
- Nuk rezulton i regjistruar në një program tjetër studimi.

Pranimi i studentëve në programin “Marketing, Publicitet dhe Marrëdhënie me Publikun” në ciklin e parë Bachelor bëhet mbështetur në kuotat e përcaktuara nga UB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Tarifa e studimit në programin “Marketing, Publicitet dhe Marrëdhënie me Publikun” në ciklin e parë Bachelor në “Universiteti Barleti” është ndër më konkurrueset në treg, pasi synohet t’u vihet në ndihmë studentëve për t’u ofruar mundësi studimi. Likuidimi i tarifës kryhet me 3 këste.

Kohëzgjatja normale e studimeve Bachelor në programin “Marketing, Publicitet dhe Marrëdhënie me Publikun” është 3 vite akademikë.

Koha maksimale e studimeve Bachelor në programin “Marketing, Publicitet dhe Marrëdhënie me Publikun” është 6 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.