Zhvillimi dinamik i biznesit dhe stukturimi i tij në një kontekst gjithnjë e më konkurrues kërkon edukimin e një elite të re të punonjësve dhe menaxhereve të ardhshëm, njohuritë dhe aftësitë e të cilëve, do të garantojnë konkurrueshmëri me efikasitet dhe sukses në tregjet vendase apo ndërkombëtare. Ky edukim sipas koncepteve moderne të menaxhimit duhet t’ju mundësojë studentëve përvetësimin e njohurive teorike, empirike dhe praktike mbi mënyrat dhe metodat e menaxhimit të funksioneve apo veprimtarive të ndryshme të biznesit.

Formimi që ne ofrojmë në fushën e Menaxhimit të Biznesit mban parasysh ndryshimet që vijnë si rezultat i transformimit dhe zhvillimit të ekonomisë. Modulet, lëndët dhe temat që trajtohen, gjatë gjithë kohëzgjatjes së formimit, janë të përshtatura plotësisht me realitet ekonomike, me pritshmëritë e studentëve, si dhe me nevojat konkrete të organizatave të biznesit. Kombinimi i formimit bazë me profilet e zgjedhura nga studenti, si dhe me praktika mësimore pranë sipërmarrjes e bën procesin mësimor shumë më interesant dhe rrit aftësitë profesionale si dhe mundësitë e punësimit të studentëve.

Duke patur në fokus problematikat konkrete të organizatave të biznesit si dhe pritshmëritë që ato kanë ndaj drejtuesve të ardhshëm, një rëndësi e veçantë i kushtohet zhvillimit të aftësive vendimmarrëse si dhe përfitimit të njohurive për praktikat dhe proceset e menaxhimit të përshtatura për bizneset që ushtrojnë veprimtarinë e tyre në vendin tonë.

Plani mësimor - Menaxhim Biznesi (PDF)

Diplomimi i studentëve në “Universiteti Barleti” në programin “Menaxhim Biznesi” ju ofron mundësi të shumta karriere në:

• Menaxhimin e bizneseve;
• Menaxhimin dhe administrimin e ndërmarrjeve publike
• Menaxhimin e operacioneve dhe sektorëve në bizneset private;
• Specialist i marketingut;
• Specialist i burimeve njerëzore.

Aplikimi për të studiuar në “Universiteti Barleti” në programin “Menaxhim Biznesi” në ciklin e parë Bachelor bëhet përmes rregullave dhe udhëzimeve të përcakuar nga Ministria e Arsimit, Sportit dhe Rinisë (MARS).

Aplikantët fillimisht plotësojnë formularët A1/A1Z që të bëhen pjesë e sistemit.

Aplikimi bëhet në portalin e Maturës Shtetërore: http://matura.qsha.gov.al

Përzgjedhja e programit “Menaxhim Biznesi” dhe e “Universiteti Barleti” bëhet përmes formularit A2 në periudhat që përcaktohen me udhëzim nga MASR.

I gjithë procesi i aplikimit kalon në dy raunde të cilat përcaktohen nga MASR.

SJELLIM NË VËMENDJE se aplikanti/maturanti mund të bëhet pjesë e UB-së vetëm kur e zgjedh UB-në programin “Menaxhim Biznesi”.

Në programin “Menaxhim Biznesi”, cikli i parë i studimeve Bachelor, pranohet për të ndjekur studimet shtetasi shqiptar ose i huaj që plotëson  kriteret e mëposhtme:

• Të vërtetojë me dokument zyrtar (Diplomë) mbarimin e një shkolle të mesme publike ose jopublike brenda ose jashtë Shqipërisë (ekuivalentuar sipas kritereve të përcaktuara nga MASR).
• Dorëzon të gjithë dokumentacionin e kërkuar në udhëzimet e MARS dhe rregulloret e brendshme të UB-së.
• Të paguajë tarifën e studimeve sipas kushteve dhe kritereve të përcaktuar në marrëveshjen mes UB-së dhe Studentit.

Pranimi i studentëve në programin “Menaxhim Biznesi”, cikli i parë Bachelor bëhet mbështetur në kuotat e përcaktuara nga UB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Tarifa e studimit në programin “Menaxhim Biznesi” në “Universiteti Barleti” është ndër më konkurueset në treg, pasi synohet ardhja në ndihmë studentëve për t’i dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në ciklin Bachelor është 3 vite akademikë.

Koha maksimale e studimeve në ciklin Bachelor është 6 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.