Masteri i Shkencave në programin e Drejtë Tregtare pranë “Universiteti Barleti” ofron një mundësi zhvillimi dhe specializimi në fushat më të rëndësishme të së drejtës tregtare dhe praktikës tregtare. Lëndët dhe modulet e përfshira në planin mësimor trajtojnë çështjet tregtare më të rëndësishme, siç janë tranzaksionet apo konfliktet tregtare duke përfshirë njëkohësisht njohuritë bazë rreth: kontratave tregtare, ligjin e shoqërive tregtare, arbitrazhi dhe ndërmjetësimi ndërkombëtar, si dhe e drejta bankare dhe financiare. Qëllimi i programit është të ofrojë profesionistë të aftë për tregun e punës në kushtet e një konkurrence gjithmonë e në rritje.

Plani mësimor - E drejtë tregtare (PDF)

Studenti që përfundon studimet në “Universiteti Barleti”, në Master i Shkencave në programin E drejtë Tregtare ka mundësi punësimi në:

• Sektorin bankar ose financiar;
• Sektorin e tatim –taksave;
• Kompani tregtare vendase apo të huaja;
• Studio avokatie vendase apo të huaja;
• Zyra ndërmjetësimi apo arbitrimi, etj.

Aplikimi për në “Universiteti Barleti” në programet e ciklit të dytë Master i Shkencave bëhet përmes rregullave dhe udhëzimeve të përcakuara nga Ministria e Arsimit, Sportit dhe Rinisë (MARS).

Në ciklin e dytë të studimeve Master i Shkencave, pranohet për të ndjekur studimet shtetasi shqiptar ose i huaj që plotëson kriteret e mëposhtme:

• Diplomë e ciklit të parë/fotokoje e diplomës e njehtësuar me origjinalin - Diplomë e ciklit të parë përfunduar jashtë shtetit, e shoqëruar me fotokopje të diplomës së njësuar me origjinalin/një dokument zyrtar që është bërë njësimi i diplomës në RSH.
• Vërtetim i listës së notave dhe krediteve.
• Diplomë e Maturës Shtetërore + Çertifikatë e notave/fotokopje e tyre e njehtësuar me origjinalin, e konfirmuar nga DAR/ZA. Kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë Dëftëse Pjekurie, në mungesë fotokopje të njehtësuar me origjinalin, konfirmuar nga DAR/ZA.
• Dëshmi e gjuhës së huaj në nivelin B1, sipas përcaktimeve të MASR.
• CV + Foto.

Pranimi i studentëve në ciklin e dytë Master i Shkencave bëhet mbështetur në kuotat e përcaktuara nga UB dhe të miratuara nga MARS, mbi bazë të standardeve të përcaktuara nga MARS, të akteve ligjore e nënligjore dhe rregulloreve të UB-së. Procesi i pranimit/regjistrimit vijohet me nënshkrimin e marrëveshjes dhe mbyllet me marrjen e numrit të matrikulimit nga QSHA.

Komisionet ad hoc të ngritur për çdo program studimi Master me vendim të Rektorit, shqyrtojnë të gjitha aplikimet dhe parashtrojnë për miratim te dekani i fakultetit, vlerësimet e dosjeve të aplikantëve sipas renditjes pasqyruar në listën e aplikantëve fitues.

Tarifa e studimit në programin Master i Shkencave në “E drejtë Tregtare”, në “Universiteti Barleti” është ndër më konkurueset në treg, pasi synohet ardhja në ndihmë studentëve për t’u dhënë mundësi studimi. Likuidimi i tarifës kryhet me 3 këste.

Kohëzgjatja normale e studimeve në programin Master i Shkencave “E drejtë Tregtare” është 2 vite akademikë.

Koha maksimale e studimeve në programin Master i Shkencave në “E drejtë Tregtare”, është 4 vite akademikë.

Akordimi i një viti shtesë akademik shoqërohet me aplikimin e një tarife studimi shtesë.